Thursday, September 15, 2011

ഞാനെന്ന ഞാന്‍..!

 

ആരായാലും
ഏതായാലും
എന്തായാലും
എങ്ങനെയായാലും
എപ്പോളായാലും
എന്തിലായാലും
ഞാനെന്ന ഞാന്‍
ഞാനായിരിക്കും .
ഞാനെന്ന ഞാന്‍ ഇല്ലാതെ ,
പിന്നെന്തു ഞാന്‍ .?
ഞാനെന്ന ഞാന്‍ ഇല്ലാതെ ,
പിന്നെവിടെ ഞാന്‍ ?
ഞാനെന്ന ഞാന്‍ ഇല്ലാതെ ,
പിന്നെങ്ങനെ ഞാന്‍..?
ഞാനെന്ന ഞാന്‍ ഇല്ലാതെ ,
പിന്നെപ്പോഴാണ് ഞാന്‍ ?

എന്നാല്‍
ഞാനെന്ന ഞാന്‍ ഒന്നല്ല ..
ഞാനറിയുന്ന ഞാനും,
പിന്നെ ഞാനറിയാത്ത ഞാനും.!

ഞാനറിയുന്ന ഞാനിലൂടെ
ഞാനറിയാത്ത ഞാനിലെക്ക്
ഒരു പഠന യാത്ര....
അതിപ്പോഴും തീര്‍ന്നിട്ടില്ല. 

======= ooo=======

Monday, September 12, 2011

ബന്ധിതം.



ഏത് ആവര്‍ത്തനമാണ്
വിരസതയുണ്ടാക്കാത്തത് ?
എത്ര കേമമായ തുടര്‍ പ്രയോഗങ്ങളും
വല്ലാതെയായാല്‍
ആസ്വാദനം വെറുപ്പില്‍ അവസാനിക്കും.
ഇന്നലെകളില്‍ തുടങ്ങി
ഇന്നിലൂടെ,നാളെകളിലേക്ക് ...
ആവര്‍ത്തിക്കപ്പെടുന്ന ജീവിതം;
എത്ര ആസ്വദിച്ചാലും വെറുക്കപ്പെടുന്നു.
ആസ്വാദനത്തിന്റെ
പുതുവഴികള്‍ തേടേണ്ടി വരുന്നത്
ആസ്വദിച്ച് വെറുത്തതിനാല്‍ അല്ലേ ?
എന്നിട്ടും ഒരു ദിനത്തിന്റെ ആവര്ത്തനത്തിനായി
നാം കാത്തിരിക്കുന്നത്
എന്ത് കൊണ്ടാണ് ?
പ്രതീക്ഷയുടെ നൂലില്‍
സ്വയം കെട്ടിയാടുന്ന ബൊമ്മകള്‍
എന്നാണു
സ്വാതന്ത്ര്യം 'ആസ്വദിക്കുന്നത് '..???