Sunday, October 21, 2012

ശൂന്യതാ വിഭ്രമം !!






ഒന്നുമില്ലെന്നറിഞ്ഞാലും 
എല്ലാമൊന്നെന്നറിഞ്ഞാലും
അങ്ങനെക്കരുതി ജീവിതം 
നടക്കില്ലാള്ക്കൂ ട്ടങ്ങളില്‍ 

വിഷാദം ഭാരമായ്‌ വന്നാല്‍ 
തോന്നിടാം താഴെ വെക്കുവാ-
നന്നേരം 'ഒന്നുമി'ല്ലെങ്കില്‍ 
പിന്നെവിടെ കൊണ്ടു വെച്ചിടും ?!

ഹര്‍ഷ ദു:ഖങ്ങളില്ലാതെ 
ജീവിക്കാനുപദേശമോ ?
എങ്കില്‍ ഞാനൊന്നു ചോദിക്കാം 
എന്തിനങ്ങനെ ജീവിതം ? !

ഇല്ലാത്തെനിക്ക് കൂട്ടായി -
ട്ടില്ലാത്തോരി,ല്ലായ്മയാം ഉണ്മ,
യങ്ങു ണ്ടാക്കി വിളയാടിടാം.!

കണ്ണടച്ചാല്‍ കാണുന്നാ 
വെട്ടവും വെട്ടമല്ലയോ..? !!!

ഒടുക്കമങ്ങെടുക്കും നേരം 
വീണ്ടും ചൊല്ലിടാം നാസ്തി ;
അതുവരെ പിടിച്ചു നില്‍ക്കുവാന്‍ 
നാസ്തിയില്‍ , അസ്ഥി കുത്തിടാം !!!