ഓലപ്പടക്കങ്ങള് പൊട്ടിച്ചു പൊട്ടിച്ചു
കുട്ടികള് കേളികളാടിടുന്നൂ;
പുത്തന് കണിക്കൊന്ന പൊന്വെയിലേറ്റിട്ടു
വെട്ടിത്തിളങ്ങിച്ചിരിച്ചിടുന്നൂ;
കര്ഷക മര്ത്ത്യനു കൈനീട്ടമായിട്ടു
വെള്ളരി ചാരേയണഞിടുന്നൂ;
നല്ലോരിടിച്ചക്ക തോരനായ് വെക്കുവാന്
തേന്പ്ലാവു സമ്മാന മേകിടുന്നൂ;
മേടമാസത്തിലെ കുട്ടപ്പനായfര്ക്കന്
അയനങ്ങള് മാറി നടന്നിടുന്നൂ;
നല്ല മാര്ഗത്തോട്ടു മാറി നടക്കുവാന്
ആളുകള് ചിത്തേയൊരുങ്ങിടുന്നൂ;
കാലങ്ങള് കോടീയുടുത്തിടുന്നൂ...
പുത്തന് പുതു വര്ഷമായിടുന്നൂ.
കാലിച്ചെറുക്കന്റെ കോല്വിളി കേള്ക്കുവാന്
രാധയായ് പൊന്വിഷുവെത്തിടുന്നൂ;
കൊന്നതന് പൂ ചൂടി,സുന്ദരിക്കുട്ടിയായ്
അനുരാഗ ചിത്തയായ് നിന്നിടുന്നൂ;
ഗോപാലകൃഷ്ണന്റെ ലീലാ വിലാസങ്ങള്
ആണ്ടുതോറും,എന്നും കാണുവാനായ്.
പുത്തന് ശുഭാപ്തിയില് ഭൂലോക വൈകുണ്ഡ-
നാഥനെ പൊന്കണി കണ്ടിടുന്നൂ;
ഹര്ഷാരവത്തിന്റെ മൂര്ദ്ധന്യമായിയാ
കോമ്പല പൊട്ടിച്ചിരിച്ചിടുന്നൂ;
പൂത്തിരി പൂവായ് ജ്വലിച്ചിടുന്നൂ....
പൂക്കുറ്റി ചിത്തം തുറന്നിടുന്നൂ.
മുത്തശ്ശി,മുത്തശ്ശന്മാരവര്,കാരണോര്
കൈനീട്ടമായി കുരുത്തമേകീ....
ആനന്ദ ബാഷ്പനായ്,പ്രാര്ത്ഥിച്ചുപോയി ഞാന്
എന്നും വിഷുദിനമായിടേണേ. !!
ആനന്ദ ബാഷ്പനായ്,പ്രാര്ത്ഥിച്ചുപോയി ഞാന്
എന്നും വിഷുദിനമായിടേണേ. !!