കയ്യറപ്പില്ലാതെ പടപടപ്പടറാതെ
ചന്കിലും അംഗ സംഘത്തിലും
ഒരു തുള്ളി നോവാതെ,പതറാതെ
ഊക്കിലും വീക്കിലും ആഞ്ഞാഞ്ഞു
വീണൊരെന്‍ വെണ്മഴു കൊണ്ടു നിന്‍
മേനിയിന്നമ്മ തന്‍ മടിയില്‍ പിടയവേ
നീ തന്ന കുളിരിനും,നീ തന്ന പൂവിനും,
നീ തന്ന തേന്‍പഴ സദ്യകള്‍ക്കൊന്നിനും
നീ തന്നോരേകാന്ത ധ്യാന മിടത്തിനും
നന്ദിയെന്നുള്ളോരുഭംഗിവാക്കെങ്കിലും
ചൊല്ലാന്‍ മറന്നൊരു ക്രൂരനായ് പോയി ഞാന്‍ .
എന്നുടെമാത്രമാം സ്വപ്ന കൊട്ടാരത്തി
ലെല്ലാ ചമയവും നന്നായ് ചമക്കുവാന്‍
ഓടിച്ചു ഞാനിന്നാട്ടിയിറക്കിയാ
കൂട്ടരെ ഒക്കെയും കൂട്ടമായ്‌.
പാറിപ്പറന്നു പോയ്‌ കൊറ്റിയും കാക്കയും
ആകെ പറിഞ്ഞു' പോയ്‌ ഇത്തിളും കണ്ണിയും.!
ഞങ്ങള്‍ക്ക് നല്ല നഗരം പണിയുവാന്‍
കോമള മാളികയെല്ലാം പണിയുവാന്‍
കുടിയിറക്കപ്പെടും പീഡിത വര്‍ഗമേ
ചോദിച്ചിടട്ടെ ഞാന്‍,നിങ്ങളിലെന്നിനി
ളാഹ ഗോപാലനും സി.കെ. ജാനുവും,
മമതയും മേധയും എല്ലാം പിറന്നിടും??
അതോ,
ഞങ്ങള്‍ തന്‍ ആക്രാന്തമെല്ലാം
സഹിച്ചൊരു പരിഹാസ രോമാഞ്ച
പുഞ്ചിരി തൂകലോ ചൊല്ലുവിന്‍.
ഞങ്ങള്‍തന്‍ ആസന്ന മൃത്യുവെ പറ്റി
യിന്നാരോ രഹസ്യമായ് ചൊന്നുവോ കൂട്ടരെ.
No comments:
Post a Comment